Girlykreyol - Webzine féminin des Antilles-Guyane
Girlykréyòl
Facebook
Twitter
Mobile
Girlykreyol - Webzine féminin des Antilles-Guyane

Dossier : FÊTE DES MAMANS SPÉCIALE


Par | Le 17 Mai 2014 | Lu 1518 fois


Poème Max RIPPON

Ma maman m’a dit comme ça…
Di bonjou, é hélé mèsi alawonn
Epi pa obliyé lonji lanmen san di tanplispouplé
Ma maman m’a dit comme ça…
Bèf douvan ka bwè dlo klè
Koulè an tòch pa ka janmé gra
Ma maman m’a dit comme ça…
Fò ou rédé lé pli fèb pòté chaj
Menn si rann sèvis ka bay mal-do
Ma maman m’a dit comme ça…
Ravèt pa ni rézon douvan poul
Ma maman m’a dit comme ça…
Ti-poul suiv ti-kanna, ti-poul néyé
Ma maman m’a dit comme ça…
Prèmyé kouché gangné kabann
Mé osi, kabann a dé-plas two gran pou on fanm sèl
Ma maman m’a dit comme ça…
Sa ki la pou-w dlo pa ka chayé-y
Mé fò ou ba fès a-w twa tap osi
Ma maman m’a dit comme ça…
Tik pa ka rété si chyen mò
Byen koken mal aki pa ka pwòspéré
Ma maman m’a dit comme ça…
On jou ou ké chèché mwen èvè on zépeng an pa sèk
Ma maman m’a dit comme ça…
Tou a tou chouval an branka
Ma maman m’a dit comme ça…
Sa ki an bèk pa an fal
Ma maman m’a dit comme ça…
Sa zyé pa vwè pa ka fè kè mal
Ma maman m’a dit comme ça…
Sa ki ka ba-w konsèy nouri chouval a gwo vant
Pa ka ba-w lajan pou achté pay
Ma maman m’a dit comme ça…
Si ou bon sé pou vou menm
Sé sa ou simé ou ka rékolté
Ma maman m’a dit comme ça…
Viré do a-w, si ou santi ou kay pléré,
kon venn koupé ka débòdé
Ma maman m’a dit comme ça…
Adan on kalbas sé dé kwiy ki ni
Pa janmé manjé soup a-w cho
Ma maman m’a dit comme ça…
Alé a-w sé ta-w, viré a-w sé tan mwen
An ni plis pasyans ki on bwèt a krab
Ma maman m’a dit comme ça…
Lavi jòdijou pli fann ki féfé
 
Max RIPPON
Poète Marie-Galantais
Durocher, mai 2014



Une passionnée de la presse avec une expérience à l’International ! En savoir plus sur cet auteur


Facebook
Twitter
Mobile